«ندى» تغير شكل زي الأطباء التقليدي بالألوان: «عشان أكسر خوف الأطفال»

ملابس التمريض بألوان مبهجة ومليئة بالطاقة والحيوية وتصميمات مريحة سواء في الارتداء أو الحركة، كسرت الصورة النمطية المتعارف عليها للزي الرسمي، وهذا ما سعت إليه «ندى فيصل» طبيبة امتياز من محافظة المنيا.

ندى تروي تفاصيل الفكرة

تروي «ندى»، الشابة العشرينية، تفاصيل فكرتها، لـ«هن»: «إحنا عندنا السكراب والبلطو بيكون ليه شكل معين، أحيانا كتير مش بيكون مريح في الحركة، خاصة بنحتاج نتوضا عشان نصلي، فحاولت أعمل حاجة تكون مناسبة لكل ده، كمان البنات المحجبات بيكون صعب ليهم يلبسوا سكراب نص كم ويلبسوا تحتيه هدوم كتير تحته في الصيف، الجو بيكون حر أوي، فقررت أعمل تصميمات بكم طويل عشان يكون أسهل».

تفاعل الفتيات مع فكرة ندى

تفاعل الكثير من الفتيات مع فكرة «ندى»، التي قد تبدو غريبة بعض الشيء، وتقول: «لقيت فيه بنات بيحبوا يلبسوه طويل ويكون سكراب ساتر بالنسبالهم فبدأت أعمل حاجات طويلة، وفي الوقت نفسه بغير من شكل السكراب، مثلا أخلي فيه زراير من قدام عشان يكون سهل يتفتح ويتقفل أعمل حاجة مناسبة لواحدة حامل، وبعد كده هترضع عشان يكون عملي ومريح في نفس الوقت».

أرادات ندى أن تقلل من رهبة المرضى وخصوصا الأطفال، بإضافة الألوان الزاهية لزي الأطباء: «حبيت أحسس المرضى لو…